{"id":1698,"date":"2026-07-27T19:12:55","date_gmt":"2026-07-27T19:12:55","guid":{"rendered":"https:\/\/dayaxmedia.com\/?p=1698"},"modified":"2026-07-27T19:29:48","modified_gmt":"2026-07-27T19:29:48","slug":"mucaaradka-soomaaliya-oo-midowga-afrika-ka-dalbaday-in-taageerada-aussom-lagu-xiro-xallinta-khilaafka-siyaasadeed","status":"publish","type":"post","link":"https:\/\/dayaxmedia.com\/?p=1698","title":{"rendered":"Mucaaradka Soomaaliya oo Midowga Afrika ka Dalbaday in Taageerada AUSSOM Lagu Xiro Xallinta Khilaafka Siyaasadeed"},"content":{"rendered":"\n

Muqdisho<\/strong> \u2013 Waxaa sii xoogeysanaya khilaafka siyaasadeed ee u dhexeeya Dowladda<\/a> Federaalka Soomaaliya iyo Madasha Mucaaradka Soomaaliyeed, iyadoo mucaaradku ay warqad furan u direen Midowga Afrika, kuna baaqeen in taageerada la siiyo Hawlgalka Taageerada iyo Xasilinta Midowga Afrika ee Soomaaliya (AUSSOM) lagu xiro xal u helidda xaaladda siyaasadeed ee dalka oo haatan ah mid cakiran .<\/p>\n\n\n\n

Warqadda oo ku socotay madaxda Midowga Afrika ayaa lagu sheegay in Soomaaliya ay ku jirto marxalad siyaasadeed oo adag, taas oo sida ay mucaaradku ku doodayaan u baahan tallaabooyin degdeg ah iyo dadaal dheeraad ah oo lagu soo celinayo wadatashiga siyaasadeed iyo kalsoonida u dhexeysa dhinacyada isku haya arrimaha dalka soomaaliya.<\/p>\n\n\n\n

Madasha Mucaaradka ayaa ku eedeysay Dowladda Federaalka Soomaaliya inay ku guuldareysatay hoggaaminta geeddi-socodka nabadda, dib-u-heshiisiin qaran  iyo hirgelinta hannaan siyaasadeed oo loo dhan yahay. Sida ku xusan warqadda, mucaaradku waxay sheegeen in khilaafaadka siyaasadeed ee soo noqnoqday ay caqabad ku noqdeen horumarka dalka, isla markaana ay saameyn ku yeesheen dadaallada lagu xoojinayo dowladnimada iyo amniga soomaaliya iyo gobolka.<\/p>\n\n\n\n

Warqaddaan ayaa sidoo kale lagu soo jeediyay midowga Africa in la dhiso Gole Hoggaaminta Kala-guurka Soomaaliya<\/strong>, kaas oo ay mucaaradku ku tilmaameen madal ay ku kulmi karaan dhammaan dhinacyada siyaasadda iyo saamileyda kala duwan si loo gaaro heshiis qaran oo ku saabsan jihada siyaasadeed ee dalka. Sida ay sheegeen, golahaasi wuxuu fududeyn karaa wadahadal ballaaran oo horseeda is-afgarad iyo xal waara iyo sii wadadi dowladanimada soomaaliya.<\/p>\n\n\n\n

Intaa waxaa dheer, mucaaradku waxay ku doodeen in muddo-xileedka Dowladda Federaalka uu dhammaaday 15 May206 iyp April2026 golaha  baarlmaanka , sidaas darteedna ay lagama maarmaan tahay in la helo hannaan siyaasadeed oo cusub oo lagu maareeyo marxaladda kala-guurka. Dowladda Federaalka Soomaaliya ayaa dhankeeda hore u sheegtay in hay’adaha dastuuriga ah ay weli si sharci ah u gudanayaan waajibaadkooda, isla markaana geeddi-socodka siyaasadeed uu ku socdo si waafaqsan dastuurka iyo sharciyada dalka u taala ayna diyaar u tahay xalinta iyo tabashada mucaaradka soomaaliya.<\/p>\n\n\n\n

Ilaa waqtigan la daabacayay warkan, Dowladda Federaalka Soomaaliya si rasmi ah ugama aysan hadlin warqadda ay mucaaradku u direen Midowga Afrika, sidoo kalena kama aysan jawaabin dalabka ku saabsan in taageerada AUSSOM lagu xiro xalinta khilaafka siyaasadeed ee dalka.<\/p>\n\n\n\n

Dalabkan ayaa kusoo beegmaya xilli ay sii kordhayaan cabashooyinka iyo eedeymaha ay is dhaafsanayaan dowladda iyo mucaaradka, kuwaas oo inta badan la xiriira arrimaha doorashooyinka, dib-u-eegista dastuurka, hannaanka maamulka<\/a> dalka iyo qaabka loo wajahayo heshiisyada siyaasadeed guud ahaan dalka.<\/p>\n\n\n\n

Doodaha siyaasadeed ee u dhexeeya labada dhinac ayaa muddooyinkii u dambeeyay noqday kuwo si weyn uga dhex muuqda fagaarayaasha siyaasahttps:\/\/www.facebook.com\/share\/v\/1D2KMHic1m\/<\/a>dda iyo warbaahinta, iyadoo dhinac walba uu difaacayo mowqifkiisa. Mucaaradku waxay ku baaqayaan in la qabto wada-hadal qaran oo loo dhan yahay, halka dowladda ay marar badan sheegtay inay diyaar u tahay wada-tashi ku dhisan dastuurka iyo sharciga dalka.<\/p>\n\n\n\n

Falanqeeyayaasha siyaasadda ayaa tilmaamaya in haddii aan xal siyaasadeed laga gaarin khilaafka taagan, ay taasi saameyn ku yeelan karto geeddi-socodka dowlad-dhiska, amniga iyo diyaar-garowga doorashooyinka mustaqbalka. Waxay sidoo kale xuseen in wada-hadal iyo tanaasul siyaasadeed ay yihiin waddada ugu habboon ee lagu xallin karo kala aragti duwanaanshaha jira.<\/p>\n\n\n\n

Midowga Afrika iyo saaxiibada caalamka ee Soomaaliya ayaa muddo dheer ku baaqayay in arrimaha siyaasadeed lagu xalliyo wada-hadal, iyadoo la ilaalinayo xasilloonida dalka iyo hannaanka dastuuriga ah. Ilaa hadda, Midowga Afrika kama uusan soo saarin war rasmi ah oo ku saabsan warqadda ay u gudbiyeen mucaaradka.<\/p>\n\n\n\n

Dayax Media Network<\/a> waxay si dhow ula socon doontaa wixii kasoo kordha arrintan, iyadoo bulshada u soo gudbin doonta warar sugan, dheellitiran oo ku saleysan xog la xaqiijiyay iyo jawaabaha dhammaan dhinacyada ay khuseyso.<\/p>\n\n\n\n

<\/p>\n","protected":false},"excerpt":{"rendered":"

Muqdisho \u2013 Waxaa sii xoogeysanaya khilaafka siyaasadeed ee u dhexeeya Dowladda Federaalka Soomaaliya iyo Madasha Mucaaradka Soomaaliyeed, iyadoo mucaaradku ay warqad furan u direen Midowga Afrika, kuna baaqeen in taageerada la siiyo Hawlgalka Taageerada iyo Xasilinta Midowga Afrika ee Soomaaliya (AUSSOM) lagu xiro xal u helidda xaaladda siyaasadeed ee dalka oo haatan ah mid cakiran […]<\/p>\n","protected":false},"author":1,"featured_media":1699,"comment_status":"open","ping_status":"open","sticky":false,"template":"","format":"standard","meta":{"_monsterinsights_skip_tracking":false,"footnotes":""},"categories":[8],"tags":[],"class_list":["post-1698","post","type-post","status-publish","format-standard","has-post-thumbnail","hentry","category-wararka-gudaha"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t