Horjooge ka tirsanaa Alshabaab oo la dilay (Magaciisa?)

Wasaaradda Gaashaandhigga xukuumadda FS ayaa War-saxaafadeed ay soo saartay ku sheegtay inay dishay horjooge ka tirsanaa Alshabaab.

Dilka ninkani ayaa ka dhacay duleedka degaanka Daaru-Nimca oo u uku dhuumaalaysanayay, waxaana lagu magacaabi jiray Xasan Xuseen Xuurshow(Xasan Garab-dheere).

Wasaaraddu waxay sheegtay in sidoo kale lala dilay mid kamid ah malleeshiyaadkii illaalada u ahaa.

Howlgalkani ayaa waxaa fuliyay laba ka tirsan ciidamada degaanka.

Horjoogaha la dilay Xasan Garab-dheere ayaa Alshabaab u qaabilsanaa waxa ay ugu yeeraan Zakawaadka degaannada kala ah; Caddaan-Laxeey, Cadcaddeey iyo Daaru-Nicma.

Dhowaan sidaan oo kale ciidamo ka tirsan kuwa degaanka ayaa fuliyay weerar ay ku dileen horjooge ka tirsanaa Shabaab isla gobolka Shabeellada dhexe.

Dayax  Media Network

Galmudug, Somalia